Величаем вас, равноапостоли
Христовы, весь мир ученьми своими просветившия и вся концы ко Христу приведшия.Небеса поведают
славу Божию, творение же руку Его возвещает твердь.
Исповедят Небеса чудеса Твоя,
Господи.
Вместо отец Твоих быша сынове Твои.
Поставиши я князи по всей земли.
Бог богов Господь глагола и призва
землю.
От восток солнца до запад хвально
Имя Господне.
Осветиша молния Его вселенную,
возвестиша Небеса правду Его, и видеша вси людие славу Его.
Князи Иудовы владыки их.
Воцарися Бог над языки.
Бог прославляемь в совете святых.
Велий и страшен есть над всеми
окрестными Его.
Рцыте во языцех, яко Господь
воцарися.
Возвестите во языцех славу Его, во
всех людех чудеса Его.
Во всю землю изыде вещание их, и в
концы вселенныя глаголы их.
Покори люди нам и языки под ноги
наша.
Велий Господь наш и велия крепость
Его.
Той даст силу и державу людем Своим:
благословен Бог.
Слава, и ныне: Аллилуия: (3)
