Величаем тя, Пророче Спасов Илие, и чтим светую память твою. (2)
Благословен Господь, Бог Израилев, яко посети и сотвори
избавление людем Своим. Аллилуия.
И воздвиже рог спасения нам в дому Давидове, отрока
Своего. Аллилуия.
Клятся Господь Давиду истиною и не отвержется ея.
Аллилуия. Тамо возращу рог Давиду, уготовах светильник помазанному Моему.
Аллилуия.
Сильно на земли будет семя Его. Аллилуия.
Род правых благословится. Аллилуия.
Служити Ему в преподобии и правде пред Ним вся дни живота
нашего. Аллилуия.
И ты, отроча, пророк Вышняго наречешися. Аллилуия.
Предыдеши бо пред лицем Господним уготовати пути Его.
Аллилуия.
Дати разум спасения людем Его. Аллилуия.
Во оставление грехов их милосердия ради милости Бога
нашего. Аллилуия.
Направити ноги наша на путь мира. Аллилуия.
Слава, и ныне: Аллилуия. (3)
